Plantun de Prouvènço

Pèr coumpara dos planto d'encò nostre

Passiflora caerulea & Mentha spicata

Flour-de-la-passioun

Passiflora caerulea

Passifloraceae

Autre noum : Granadiho.

Noms en français : Fleur de la Passion, Passiflore.

Descripcioun :
Planto escalanto emé de vediho que trachis pulèu rapidamen. Li fueio soun penado (5 partido). S'aremarco subretout emé si gràndi e poulìdi flour bluio que podon pas engana. Fai pièi de fru coulour d'arange. Dins la naturo èi raro (R), mai èi coumuno dins li jardin.

Usanço :
Aquelo planto nous vèn dis Americo e lou noum ramento la semblanço de sa flour emé la courouno dóu Crist. Lou fru èi manjadis e la planto couneigudo pèr èstre vertuouso. Se prèn subretout en tisano pèr apasima contro lis ànci e ajuda à dourmi. Lis american se servien di fueio pèr sougna li macaduro e bruladuro (en emplastro).

Port : Liano
Taio : Pancaro entresigna
Fueio : alterno
Tipe bioulougico :
Cicle bioulougico : Planto renadivo

Gènre : Passiflora
Famiho : Passifloraceae

Coulour de la flour : Bluio
Petalo : >6
Ø (o loungour) flour : Pancaro entresigna
Flourido : Printèms - Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Ribiero
Estànci : Termoumediterran à Mesoumediterran
Couroulougi : Pancaro entresigna
Ref. sc. : Passiflora caerulea L., 1753

Mento-de-jardin

Mentha spicata

Lamiaceae Labiaceae

Àutri noum : Mento-d'Espagno, Baume-verd, Mento-à-espi.

Nom en français : Menthe en épi.

Descripcioun :
La mento-de-jardin, Menta spicata, plantado dins lis ouort, pòu s'escapa dins lou campestre. Es uno bastardo entre la mento-folo e lou mentastre (M. longifolia x M. suavolens) di proun vigourouso mai esterlo. A pres un pau de si dous parènt mai èi mai proche dóu mentastre. Li fueio soun pounchudo au contre d'aquéli dóu segound. A la meno sènso péu, ié dison, de cop que i'a, la subsp. glabrata.

Usanço :
En Auto Tinèio, emé d'aiet e de juvert se fasié "la sauço verdo o sauço enrabiau" (J-L Domenge in LMT, op. cit. p. 59).

Port : Grando erbo
Taio : 40 à 100 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Mentha
Famiho : Lamiaceae
Famiho classico : Labiaceae

Ordre : Lamiales

Coulour de la flour : Roso
Petalo : 4
Ø (o loungour) flour : 8 à 12 mm
Flourido : Estiéu

Sòu : Ca
Autour basso e auto : 0 à 1200 m
Aparado : Noun
Remarco : M. longifolia x M. suavolens
Juliet à setèmbre

Liò : Limas de ribiero - Prado umido - Ermas - Escoumbre e proche dis oustau
Estànci : Mesoumediterran à Mountagnard
Couroulougi : Éurasiatico-Cèntre-Ouèst
Ref. sc. : Mentha spicata L., 1753 (= Mentha viridis (L.) L., 1763 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Passiflora caerulea & Mentha spicata

ges

RRR

ges

Coumpara Flour-de-la-passioun emé uno autro planto

Coumpara Mento-de-jardin emé uno autro planto